Sverrir Þór Sverrisson

Sjónvarpsmaðurinn litríki, Sverrir Þór Sverrisson eða Sveppi eins og hann er jafnan kallaður, er kylfingur vikunnar að þessu sinni. Sveppi hefur verið mjög áberandi á undanförnum árum og er orðinn einn af ástsælustu sjónvarpsmönnum þjóðarinnar en hann hefur einnig leikið í bíómyndum og leikritum. Kylfingur.is fékk hann til að svara nokkrum spurningum um sig og golfið.

Hvenær byrjaðir þú í golfi og hvers vegna?
„Ég byrjaði fyrir svona 5 árum síðan, og aðalástæðan var að ég fékk golfsett á svo góðu verði.“

Hefur þú verið í öðrum íþróttum?
„Undrabarn í handbolta og lunkinn fótboltamaður.“

Hver eru helstu markmiðin?
„Að koma forgjöfinni niður fyrir 36.“

Helstu afrek í golfinu?
„Tólf metra pútt í roki og rigningu“

Hvað er það neyðarlegasta sem komið hefur fyrir þig á golfvellinum?
„Ég og pabbi á Korpu, eldsnemma um morgun og fjórir kallar voru að hleypa okkur fram úr og ég tók upphafshögg sem endaði í bakinu á einum manninum.“

Ferðu í golfferð til útlanda í ár og ef þá hvert?
„Ekkert planað, en aldrei að vita að maður skelli sér.“

Hvað ætlar þú að gera til að lækka forgjöfina næsta sumar?
„Reyna að fara oftar í golf, fer alltof sjaldan.“

Hver er þinn helsti styrkleiki og veikleiki í golfi?
„Veikleikinn er klárlega upphafshöggin, verð oft svo stressaður. En púttin eru styrkleikinn.“

Hver er uppáhalds kylfingurinn (innlendur og erlendur) og af hverju?
„Tigerinn, alltaf gaman að horfa á hann.“

Ef þú mættir breyta einni golfreglu hverju myndir þú breyta?
„Klæðnaðurinn, mér finnst að maður megi vera í hverju sem er.“

Atvinnumaður í fótbolta eða golfi?
„Fótbolti til 35ára og golf eftir það.“

Fylgist þú mikið með golfi (erlendum mótum eða mótaröðinni hér heima)?
„Já, ég horfi oft á lokadaginn á stórmótum.“

Staðreyndir:
Nafn: Sverrir Þór Sverrisson
Klúbbur: Ekki í klúbb
Forgjöf: 36
Golfpokinn: Hummm...veit ekki
Golfskór: Já, hvítir með göddum
Golfhanski: Neinei
Markmið í golfinu: Komast undir 100 högg á 18 holum
Fyrirmynd: Pabbi
Uppáhalds matur: Sushi
Uppáhalds drykkur: Kók
Ég hlusta á: Gamla tónlist
Besti völlurinn: Grafarholtið
Besta skor (hvar): Man ekki, ekkert eftirminnilegt
Besta vefsíðan: Baggalutur.is
Besta blaðið: Kvikmyndablaðið
Besta bókin: Þær eru nokkrar,
Besta bíómyndin: Forrest gump

Myndir/Kylfingur.is
jjk@vf.is

Til Baka