Valdís Þóra hefur leik í kvöld í Ástralíu

Valdís Þóra Jónsdóttir, atvinnukylfingur úr Leyni, hefur leik á öðru móti keppnistímabilsins á LET Evrópumótaröðinni í kvöld. Valdís Þóra mun leika á fjórum mótum í Ástralíu á næstu vikum en hún er nú þegar búin með eitt þar sem hún endaði í 53. sæti.

Að þessu sinni keppir Valdís Þóra á ActewAGL Canberra Classic mótinu. Mótið fer fram á Royal Canberra vellinum í höfuðborginni Canberra. Mótið er 54 holur og verður niðurskurður eftir tvo keppnisdaga.

Hún á rástíma kl. 20:41 að íslenskum tíma fimmtudaginn 8. febrúar en þá er kl. 7:41 að morgni föstudagsins 9. febrúar í Canberra.

Hér verður skor keppenda uppfært. 

Ísak Jasonarson
isak@vf.is