Úrtökumót fyrir Opna bandaríska: Valdís í 9. sæti eftir fyrri hringinn

Í dag, mánudag, fer fram úrtökumót fyrir Opna bandaríska mótið í golfi, eitt af risamótunum fimm í kvennagolfinu.

Tveir íslenskir kylfingar eru meðal keppenda að þessu sinni en það eru þær Valdís Þóra Jónsdóttir og Guðrún Brá Björgvinsdóttir.

Alls eru leiknir tveir hringir í mótinu og komast að því loknu fjórir kylfingar beint á Opna bandaríska mótið sem fer fram dagana 29. maí - 3. júní.

Eftir fyrri hringinn er Valdís Þóra jöfn í 9. sæti á 2 höggum yfir pari. Hún lék á 74 höggum og fékk fimm skolla og tvo fugla. Guðrún Brá er jöfn í 31. sæti á 6 höggum yfir pari eða 78 höggum. Þær þurfa því báðar að leika vel á öðrum hringnum til þess að eiga möguleika á því að komast áfram.

Hér er hægt að sjá stöðuna í mótinu.


Guðrún Brá Björgvinsdóttir.

Ísak Jasonarson
isak@vf.is