Sharp ráðinn vallarstjóri hjá GKB

Nýr vallarstjóri hefur verið ráðinn hjá Golfklúbbi Kiðjabergs en það er Englendingurinn Alan Sharp.

Á heimasíðu GKB kemur fram að Sharp hafi 40 ára reynslu af störfum á golfvelli, þar af 30 ár sem vallarstjóri.

Sharp hefur menntað sig sérstaklega í meðferð náttúrulegra efna á golfvöllum og bindur stjórn GKB miklar vonir við komu hans í Kiðjabergið.

Birkir Már Birgisson, fyrrum vallarstjóri GKB, aðstoðaði klúbbinn við að komast í samband við Englendinginn og var með í heimsókn hans til landsins í nóvember þegar hann skoðaði aðstæður hjá klúbbnum.

Ísak Jasonarson
isak@vf.is