Ragnhildur valin nýliði ársins í Ohio Valley Conference

Ragnhildur Kristinsdóttir úr Golfklúbbi Reykjavíkur var í gær kjörin nýliði ársins í Ohio Valley Conference í bandaríska háskólagolfinu. Ragnhildur leikur fyrir Eastern Kentucky háskólann.

Á þessu tímabili náði Ragnhildur að enda alls fjórum sinnum meðal 10 efstu í móti og þar af voru þrjú mót þar sem hún endaði í einu af 5 efstu. Hún sigraði á einu þeirra, Pinehurst Intercollegiate, sem fór fram í mars.

Þá var Raghildur með 15. besta meðalskorið í Ohio Valley Conference en hún var með meðalskor upp á 77,8 högg að meðaltali.

Þetta er í annað sinn sem Eastern Kentucky á leikmann sem fær þessa nafnbót. Amanda Lindahl var einnig nýliði ársins árið 2016.

Ísak Jasonarson
isak@vf.is