Óheimilt að veiða bolta í Leirunni

Á fundi sínum þann 3. júlí s.l. ákvað stjórn Golfklúbbsins Suðurnesja að banna veiðar á golfboltum í tjörnum og fjöru Leirunnar.

Kylfingar mega sækja sinn eigin bolta í torfærur eða út fyrir vallarmörk en umfram það er þeim óheimilt að tína bolta.

Í tilkynningu frá formanni GS, Jóhanni Páli Kristbjörnssyni, kemur eftirfarandi fram:

„Á hverju ári eru leiknir í kringum 20 þúsund golfhringir á Hólmsvelli í Leiru. Það eru margir boltar sem lenda þar af leiðandi í Bergvíkinni eða á öðrum lítt spennandi stöðum. Héðan í frá verður það í verkahring vallarstarfsmanna GS að veiða þessa bolta og munu þeir svo verða seldir í golfverslun GS. Allur ágóði af sölu vatnaboltanna mun renna óskiptur í barna- og unglingastarf klúbbsins.“

Ísak Jasonarson
isak@vf.is