Nordic Golf: Guðmundur með frábæran hring

Atvinnukylfingurinn Guðmundur Ágúst Kristjánsson lék frábært golf á öðrum degi OnePartnerGroup Open mótsins sem fram fer á Nordic Golf mótaröðinni í Svíþjóð. 

Guðmundur Ágúst lék hring dagsins á 7 höggum undir pari og er samtals á 8 höggum undir pari í 4. sæti.

Guðmundur fékk alls sjö fugla og tapaði ekki höggi á hringnum. Skorkort hans má sjá hér fyrir neðan.

Alls eru leiknir þrír hringir í mótinu sem lýkur á föstudaginn. Fyrir mótið er Guðmundur í 27. sæti stigalistans á Nordic Golf mótaröðinni eftir flottan árangur á tímabilinu.

Hér er hægt að sjá stöðuna í mótinu.

Ísak Jasonarson
isak@vf.is