Myndband: Phil Mickelson gerði grín að sjálfum sér

Phil Mickelson náði sínum besta árangri í um það bil 15 mánuði, þegar hann endaði jafn í þriðja sæti á Safeway Open mótinu sem lauk í gær. Mickelson endaði mótið á 12 höggum undir pari og var þremur höggum á eftir Brendan Steele, sem sigraði mótið.

Á 16. braut á lokahringnum sló Mickelson frábært upphafshögg og endaði boltinn á miðri braut. Þetta var aðeins 15. brautin sem hann hitti í mótinu, og endaði hann á því að hitta aðeins 15 af 56 brautum. Þrátt fyrir að hann hafi verið í mikilli baráttu um sigurinn var hann alveg til í að gera aðeins grín að sjálfum sér fyrir lélegan árangur með drævernum. Eftir að hafa hitt brautina sagði hann við áhorfendur að allir ættu að nýta augnablikið og dást af þeim árangri að hann hafi hitt braut.

Sjón er sögu ríkari en myndband af atvikinu er að sjá hér að neðan.