Lítilsháttar tap á rekstri Nesklúbbsins

Aðalfundur Nesklúbbsins var haldinn á dögunum, nánar tiltekið fimmtudaginn 29. nóvember.  Rúmlega 70 félagar í klúbbnum sátu fundinn. 

Helstu tölur úr rekstri klúbbsins voru að rekstrartekjur námu rúmlega 94 milljónum kr. og rekstargjöld um 86 milljónir.  Eftir framkvæmdir, fjárfestingar og afskriftir véla og tækja var tap ársins 1,6 milljónir.

Samþykkt var að meðaltali 6% hækkun á félagsgjöldum sem verða árið 2019 eftirfarandi:

Félagsgjald 20 ára og eldri: 89.000 kr.
Félagsgjald 16-19 ára - 57.000 kr.
Félagsgjald 15 ára og yngri: 38.000 kr.
Félagsgjald 67 ára og eldri: 76.000 kr.

Inni í félagsgjöldum allra 20 ára og eldri er kr. 7.000 inneign í veitingasölunni.

Stjórn klúbbsins fyrir árið 2019 verður þannig skipuð:

Formaður: Kristinn Ólafsson

Aðrir í stjórn: Árni Vilhjálmsson, Áslaug Einarsdóttir, Guðrún Valdimarsdóttir, Jóhann Karl Þórisson, Stefán Örn Stefánsson og Þuríður Halldórsdóttir.

Tengdar fréttir:

Bjarni Þór Hannesson ráðinn vallarstjóri hjá Nesklúbbnum

Ísak Jasonarson
isak@vf.is