Keilir afnemur forgjafartakmörk á Hvaleyrarvelli

Golfklúbburinn  Keilir  hefur  ákveðið  að  afnema  hámarksforgjöf  kylfinga  sem  leika Hvaleyrarvöll.  Völlurinn  verður  þannig  öllum  opinn, en  aðgengi  var  áður  takmarkað  við  34,4 í  forgjöf.  Með  þessu  vill  klúbburinn  mæta  síbreytilegum  þörfum  kylfinga og höfða  betur  til hjóna,  para  og  fjölskyldna, sem  vilja  njóta  leiksins  oftar  saman.

Forgjafartakmörkunin  hefur reynst  erfið  í  framkvæmd  í  móttöku  erlendra  gesta  og  fyrirtækjamótum,  sem  mismunar  öðrum  kylfingum,  þ.á.m.  félögum í  Keili.  

Nýjum  Keilisfélögum ber eftir  sem  áður að  sækja  nýliðanámskeið  Keilis  og  nýta  sér  Sveinskotsvöll  til  að  öðlast  næga  færni  og  sjálfstraust  á vellinum.

Breytingin hefur nú þegar tekið gildi.

Ísak Jasonarson
isak@vf.is