Ingvar og Hulda leika á Ólympíuleikum ungmenna í Argentínu

Ingvar Andri Magnússon og Hulda Clara Gestsdóttir, bæði úr GKG, fara fyrir hönd Íslands á Ólympíuleika ungmenna sem fer fram í Argentínu í október.

Keppnin er haldin í Buenos Aires en Ingvar og Hulda eru fyrstu íslensku kylfingarnir sem keppa í golfi á þessu móti.

Ólympíuleikar ungmenna (The Youth Olympic Games, YOG) eru ætlaðir fyrir ungt afreksfólk í íþróttum á aldrinum 14 til 18 ára. Keppt er í mörgum greinum og skiptast leikarnir í sumarleika og vetrarleika eins og Ólympíuleikar fullorðinna.

Fyrstu sumarleikarnir fóru fram í ágúst 2010 í Singapore og fyrstu vetrarleikarnir fóru fram í janúar 2012 í Austurríki. Ísland hefur átt þátttakendur á leikunum frá upphafi en aldrei í golfi.

Ísak Jasonarson
isak@vf.is