Hlynur Bergsson sigraði á unglingamóti í Svíþjóð

Hlynur Bergsson, afrekskylfingur úr GKG, sigraði á Swedish Junior Classics mótinu sem fór fram dagana 4.-6. ágúst á Golf Uppsala í Svíþjóð. Mótið er hluti af Global Junior unglingamótaröðinni sem hefur meðal annars farið fram hér á landi. Hlynur lék hringina þrjá samtals á fjórum höggum undir pari og sigraði með eins höggs mun.

Hlynur lék fyrsta hringinn á 75 höggum eða +2 og annan hringinn á 71 höggi (-2) og var því á parinu fyrir lokahringinn. Hann lék svo frábært golf á lokahringnum og kom inn á fjórum höggum undir pari. Þá fékk hann þrjá fugla á síðustu fimm holunum og sýndi stáltaugar á endasprettinum.

Hlynur var ekki eini íslenski kylfingurinn sem keppti í mótinu en auk hans léku þeir Jón Sigurðarson (34. sæti), Ragnar Áki Ragnarsson (35. sæti), Gunnar Blöndahl Guðmundsson (37. sæti) og Ingi Rúnar Birgisson (44. sæti) einnig með.

Sjá lokastöðuna í mótinu.

Hér fyrir neðan má sjá viðtal við Hlyn eftir sigurinn.

Ísak Jasonarson
isak@vf.is