Heiðar Davíð Bragason ráðinn yfirþjálfari GA

Á heimasíðu Golfklúbbs Akureyra í gær var greint frá því að Heiðar Davíð Bragason hefði verið ráðinn yfirgolfkennari GA.

Heiðar Davíð er 40 ára og hefur starfað síðustu ár sem íþróttakennari á Dalvík ásamt því að vera golfkennari hjá Golfklúbbnum Hamri. Heiðar mun halda áfram að starfa sem golfkennari hjá Hamri, en mun láta af störfum sem íþróttakennari. 

Heiðar mun sinna afreksþjálfun fram að sumri í samstarfi við Stefaníu Kristínu aðstoðargolfkennara en mun svo hefja formleg störf 1. júní næstkomandi. 

„Ég er mjög spenntur fyrir þessu starfi, GA er stór golfklúbbur sem býður upp á mikil tækifæri, jafnt í barna- og unglingastarfi, afreksstarfi og þjónustu við hinn almenna kylfing.  Ég get ekki beðið eftir því að kynnast fólkinu í GA og hlakka mikið til að hefjast handa“ segir Heiðar

Nánar má lesa um ráðningu Heiðars Davíðs hérna.