GSÍ búið að birta mótaskrá fyrir árið 2018

Golfsamband Íslands er búið að gefa út staðfesta mótaskrá fyrir mótaraðir sambandsins árið 2018.

Í mótaskrá GSÍ fyrir keppnistímabilið 2018 kemur fram að keppni hefst að nýju á Eimskipsmótaröðinni 18. maí á Garðavelli á Akranesi (GL). Alls eru sjö mót á dagskrá á Eimskipsmótaröðinni en tveimur fyrstu mótunum er lokið en þau fóru fram haustið 2017.

Íslandsmótið í höggleik fer fram á Vestmannaeyjavelli og Íslandsmótið í holukeppni fer fram á Akureyri á Jaðarsvelli.

Keppni á Íslandsbankamótaröð unglinga hefst 25. maí á Strandavelli (GHR) og Áskorendamótaröðin hefst á Gufudalsvelli (GHG) 26. maí. Alls eru fimm mót á dagskrá á Íslandsbankamótaröðinni en þau hafa verið alls sex á síðustu árum á hverju tímabil.

Íslandsmót unglinga í höggleik fer fram dagana 22.-24. júní og fer fram á Hólmsvelli (GS). Íslandsmót eldri kylfinga fer fram á Urriðavelli dagana 19.-21. júlí.

Mótaskrá GSÍ 2018:

Ísak Jasonarson
isak@vf.is