Evrópumót landsliða: Karlalandsliðið í 10. sæti eftir fyrsta dag

Íslenska karlalandsliðið er í 10. sæti eftir fyrsta keppnisdaginn á Evrópumótinu sem fer fram í Þýskalandi. Keilismennirnir Gísli Sveinbergsson og Rúnar Arnórsson léku best í íslenska liðinu og eru jafnir í 17. sæti í einstaklingskeppninni.

Á fyrstu tveimur keppnisdögunum er leikinn höggleikur þar sem að fimm bestu skorin telja. Átta efstu liðin komast í A-riðil og eiga möguleika á að vinna til verðlauna, liðin sem enda í sætum 9 eða neðar keppa í B riðli þar sem leikið er um sæti.

Íslenska liðið er samtals á parinu eftir fyrsta daginn. Skor liðsins má sjá hér:

Aron Snær Júlíusson (GKG), 73 högg (+1)
Bjarki Pétursson (GB), 75 högg (+3)
Björn Óskar Guðjónsson (GM), 72 högg (par)
Gísli Sveinbergsson (GK), 70 högg (-2)
Henning Darri Þórðarson (GK), 75 högg (+3)
Rúnar Arnórsson (GK), 70 högg (-2)

Staðan í mótinu.

Ísak Jasonarson
isak@vf.is