Aron, Helga og Saga keppa í sterku móti í Argentínu

Þrír íslenskir kylfingar taka þátt á Opna Suður-Ameríska áhugamannamótinu sem fram fer í Buenos Aires í Argentínu en þessu greinir Golfsamband Íslands frá.

Kylfingarnir sem um ræðir eru þau Saga Traustadóttir (GR), Helga Kristín Einarsdóttir (GK) og Aron Snær Júlíusson (GKG). Alls taka 25 þjóðir þátt á þessu móti sem fram fer á Martindale Country Club.

Nánar um mótið hér: 

Keppnin hefst laugardaginn 13. janúar og lokahringurinn fer fram þriðjudaginn 16. janúar.

Þetta er í 13. sinn sem mótið fer fram en keppendur koma frá níu löndum í Suður-Ameríku, auk keppenda frá Kanada, Kosta-Ríku, Englandi, Finnlandi, Íslandi, Írlandi, Mexíkó, Nýja-Sjálandi, Panama, Portúgal, Púertó-Ríkó, Skotlandi, Bandaríkjunum og Wales.