Fréttir | sunnudagur 25. september 2011 | 18:06
Langþráður sigur Evrópu í Solheim-bikarnum
Evrópa stöðvaði sigurgöngu Bandaríkjanna í Solheim-bikarnum með því að leggja bandaríska liðið af velli eftir æsispennandi keppni á Írlandi. Jafnt var fyrir lokaumferðina sem fram fór í dag en þar voru tólf vinningar í pottinum.
Staðan var jöfn þegar þrír leikir voru eftir en evrópsku stúlkurnar Suzann Pettersen og Azahara Munoz unnu þá sína leiki. Hin sænska Caroline Hedwall knúði fram jafntefli við Ryann O‘Toole til að ná hálfu stigi.
Þetta er fyrsti sigur Evrópu í keppni síðan árið 2003. Bandaríkin hafa unnið þrisvar í millitíðinni. „Mínir leikmenn sýndu mikinn karakter. Þær voru tilbúnar í slaginn, nýliðarnir voru frábærir og þær reynslumiklu líka,“ sagði Alison Nicholas, fyrirliði Evrópu.
Lokastaðan í mótinu
