Fréttir | sunnudagur 1. ágúst 2010 | 17:38

Fisher sigraði á Opna írska

Englendingurinn Ross Fisher fagnaði sínum þriðja titli á Evrópumótaröðinni þegar hann varð hlutskarpastur á Opna írska mótinu í dag.

Fisher lauk leik á 18 höggum undir pari og stóð af sér stórsókn heimamannsins Padraig Harrington, sem var á 16 undir eftir að hafa leikið síðasta hringinn á 64 höggum.

Þetta ætti að gefa Ryder-vonum beggja kylfinga byr undir báða vængi, en nú fer að líða að lokasprettinum fyrir kylfinga til að vinna sig upp stigalistana eða inn í náðina hjá fyrirliðanum Colin Montgomerie.

Í þriðja sæti voru Gonzalez Fernandez-Castano og Chris Wood, á 14 höggum undir pari.

Lokastaðan

Mynd úr safni Golfsupport.nl